حزمني وأرقص يا جدع
قسِّــــم..
على نغم السياسة … والفنون
واغرق يا شعب ف مهزله لحد الدقون
صفًر وطيييييير …
لم النفوس المكسورين
لم العيون العطشانين …
والموجوعين … والفسدانين …
وارمى الشبك …
فوق العيون …
أراجوز هدومه ملونه …
ح يطلعك فوق السحاب …
لو يوم يسمعك الغنا …
قرب وشوف …
زي الألوف المبهورين …
فرك الولد عينه… وشاف …
فكر يعبّر …
بس خاف …
فيه إيه غلط ؟ !
عقلى خلاص زى الزلط …
معقول أكون وحدى الصحيح
والخلايق كلهم دول غلطانين …
مضغ الولد خوفه ومال …
ويا الغلابة المخدوعين …
مليون سؤال في الحلق…
ليه السكوت … يا خلق …
يا أهــــل بلدي …
ياغلابه … يا طيبين …
ولحد أمتى يلمكم صوت الطبول …
ولحد أمتى ح يسرقوا منكوا العقول …
ولحد أمتى ح تفضلوا مش دارينين …
شقوا الصــدور دوروا …
ع اللى يداوى الألـــم …
واللى يرد الحيــــاه
لنفسكوا بعد العـــدم
أشفوا النفوس البريئة
م الكدب … والكدابيـن
تلقوا نهار الحقيقـــه …
غـــــرَّق …
ليست هناك تعليقات:
إرسال تعليق